DATI

Beth yw’r gwahaniaethau rhwng ffasiwn cynaliadwy a ffasiwn cyflym?

Mae ffasiwn cynaliadwy yn rhoi pobol a’r blaned o flaen elw. O ran ffasiwn cyflymh, maen nhw’n cynhyrchu stwff mor gyflym â phosib, i drio cadw lan gyda’r trends diweddaraf, ac maen nhw’n anwybyddu pethau fel faint o ddŵr maen nhw’n ei ddefnyddio, y lliw maen nhw’n ei ddefnyddio a faint o lygredd sy’n mynd i’n hafonydd.

Mae ffasiwn cynaliadwy yn canolbwyntio mwy ar y bobol, eu hamodau gwaith, faint maen nhw’n cael eu talu, yr oriau maen nhw’n gweithio. Maen nhw’n poeni mwy am yr amgylchedd yn gyffredinnol. Mae gyda chi hefyd lot mwy o gynllunwyr ffasiwn cynaliadwy yn gweithio gyda’i gilydd i greu newid.

Pa effaith mae’r diwydiant ffasiwn yn ei gael ar yr amgylchedd?

Mae’r diwydiant ffasiwn yn gyfrifol am 10% o allyriadau carbon y byd. Mae’r prosesau cynhyrchu yn rhai trwm iawn, felly os and ydyn ni’n gallu gwneud rhywbeth i newid hyn, byddwn ni’n dal i weld yr un problemau.

Ry’n ni’n dal i weld llawer o wartraff tirlenwi a gwastraff tecstiliau nail ai’n cwpla lan mewn siopau elusen neu’n cael eu danfon dramor, felly dydyn ni ddim wir yn datrys y broblem. Yn syml, mae gormod o bopeth gyda ni. Rydyn ni wedi trio cau’r cylch yma am amser hir nawr ond does dim byd yn gweithio, felly mae angen i ni wneud newidiadau dramatig yn y ffordd rydyn ni’n prynu ac yn gwneud dillad.

Sut mae Dillad DATI yn helpu i greu Cymru wyrddach?

Mae DATI wastad wedi bod yn trio taclo newid hinsawdd ers i ni ddechrau, 15 mlynedd yn ôl. Ry’n ni wedi bod yn uwchgylchu, drwy rannu negeseuon gyda phobol o bob oedran, gweithio gyda phrifysgolion lleol i drio addysgu pobol ar bob lefel. Ry’n ni’n gweithio gyda phobol ifanc ac ry’n ni’n trio cael y neges allan ym mhobman gallwn ni.  Mae’n bwysig i ni bod y genhedlaeth nesaf yn cael ei uwchsgilio fel y gallan nhw ddysgu gan frandiau lleol sy’n ceisio hybu cynaladwyedd.

Ry’n ni’n cydweithio gyda busnesau gwahanol, busnesau cynaliadwy a rhai sydd ddim yn gynaliadwy. Mae’n bwysig i ni rannu ein gwerthoedd ac mae hynny wir yn cael effaith dda ar bobol. Felly y mwyaf gallwn ni ddefnyddio cydweithio fel ffordd o addysgu pobol am brosesau cynaladwy, a ffyrdd cynaladwy o werthfawrogi ein dillad, yna mae honna’n fuddugoliaeth fach i’r achos.

Os oes gyda ni unrhyw photoshoots, byddwn ni wastad yn cylchdroi, felly ewn ni i siopau vintage i fenthyg a hurio dillad i’w steilio yn lle mynd at frandiau ffasiwn cyflym.

O ran ein allyriadau, mae llawer o’r defnydd ry’n ni’n ei gael yn dod o sêls cilo lleol, siopau vintage a pre-loved a siopau ail-law. Ry’n ni’n creu ein gwisgoedd ein hunain yn in-house gan ddefnyddio talent lleol. Mae popeth yn cael ei gadw mor lleol â phosib. Dy’n ni ddim 100% yna eto, ond ry’n ni’n gwneud ein gorau glas a dyna’r peth pwysig.

Pa gyngor fyddech chi’n ei roi i bobl sydd eisiau bod yn fwy cynaliadwy?

• Mae prynu o ansawdd uchel yn hanfodol. Slawer dydd, roedd siwr o fod 5 fest du neu grysau gyda fi, ond nawr dim ond un sydd gyda fi, ac ydy, mae wedi costio tipyn bach mwy, ond mae’n para’n hirach aschos bod y defnydd o ansawdd cymaint gwell. Dydy e ddim yn casglu bobls pan dwi’n ei olchi a dyw’r lliw ddim yn pylu.

• Cyfnewid dillad.Ry’n ni’n cyfnewid dillad drwy’r amser ac mae rêl dillad yn ein stiwdio ni lle rydyn ni’n annog pobol i gyfnewid dillad. Cadwch lygad allan am frandiau neu fusnesau lleol sy’n cynnal digwyddiadau cyfnewid neu gallwch wneud gyda’ch ffrindiau hefyd.

• Siopa yn eich wardrob eich hunan. Mae’r dillad mwyaf cynaliadwy yn eich wardrob.  Ewch ar Pinterest i edrych am syniadau fel y gallwch chi roi bywyd newydd i’ch gwisgoedd presennol, neu eu steilio nhw mewn ffordd wahanol, er enghraifft torri’r llewys bant o siacedi, cropio neu rolio pâr o jeans neu drwser i fyny.

• Uwchgylchu. Ewch i ddosbarth neu weithdy lle gallwch chi ddysgu sut i uwch-gylchu eich dillad, er enghraifft, i ddysgu sut i winio botwm. Gyda TikTok ac Instagram mae llawer o bobl ifanc yn uwchgylchu rygiau a charpedi a cyn ei wneud yn rhwydd iawn ac yn llawer o hwyl. Gallwch chi hefyd adnewyddu eich gwisgoedd, mae llawer o liw naturiol gallwch chi ei brynu, sydd hefyd yn ffordd o wych o ymestyn bywyd eich dillad.

• Rhentu. Mae rhai siopau vintage a brandiau yn rhentu gwisgoedd fel nad oes rhaid i chi wario llawer o arian. Gallwch chi fenthyg rhywbeth am gwpwl o ddiwrnodau o ddiwrnodau a dod â fe nôl i arbed arian.

• Prynu a gwerthu yn ail-law.15 mlynedd yn ôl doedd prynu o siopau elusen ddim yn cŵl ac roedd tipyn o gywilydd yn rhan o’r peth. Nawr mae pobol wedi newid agwedd yn llwyr, ac yn gyffrous iawn amdanyn nhw ac yn defnyddio apiau ail-law, mae’n wych i weld.

• Rhoi i elusenau.  Gallwch chi roi gwisgoedd o ansawdd da i siopau elusen. Maen nhw’n gallu cael trwbwl weithiau i gael gwared o wastraff, felly os ydych chi’n mynd i roi i elusen, gwnewch yn siŵr bod y dillad o ansawdd uchel.