Ailddefnyddio ac atgyweirio

eitemau yr ydych ond yn eu defnyddio o bryd i’w gilydd. Mae’n bosibl y byddwch yn gallu benthyca’r hyn sydd ei angen arnoch gan eich ffrindiau, teulu neu gymdogion, o ddillad i offer, teclynnau a dyfeisiau. Gallwch hefyd rentu eitemau o’ch Llyfrgell Pethau leol neu eich siop rhentu leol.

Po hiraf y byddwn yn parhau i ddefnyddio pethau, y lleiaf y bydd angen defnyddio adnoddau naturiol ein planed i greu rhai newydd. Arhoswch a meddyliwch cyn prynu – a oes wir angen ffôn clyfar newydd arnoch neu a yw’r un sydd gennych nawr yn addas ar gyfer eich anghenion ac yn gweithio’n dda?

Mae’n syndod faint o bethau y gellir eu defnyddio at bwrpas amgen. Er enghraifft, gallwch droi jariau yn wydrau yfed, troi poteli yn ffiolau neu ddalwyr canhwyllau, a throi hen grysau-T yn glytiau glanhau. Bydd chwiliad sydyn ar-lein am ‘syniadau uwchgylchu’ yn rhoi rhywfaint o ysbrydoliaeth i chi.

Ceisiwch beidio defnyddio deunydd pacio untro diangen a chynhyrchion tafladwy bywyd byr. Ceisiwch brynu ffrwythau ffres heb eu lapio ac os ydych chi i ffwrdd o’r tŷ ac angen diod, gofynnwch am ddŵr tap neu defnyddiwch botel y gellir ei hail-lenwi.

Rhowch fywyd newydd i'r eitemau nad oes eu hangen arnoch drwy eu rhoi i'ch ffrindiau a'ch teulu. Rhoddwch nhw i siop elusen neu ganolfan ailddefnyddio, rhannwch nhw gyda'ch cymuned leol trwy lwyfannau fel Freecycle neu Freegle, neu werthwch nhw ar-lein. Pan ewch chi siopa, gwnewch yn siŵr eich bod chi'n cario'ch bag eich hun. Ydych chi'n meddwl tybed a oes anfanteision i ail-ddefnyddio bagiau plastig? Cofiwch mai'r dewis mwyaf cynaliadwy yw'r bag sydd gennych eisoes – p'un a yw hwnnw’n blastig neu’n brethyn.

Gellir atgyweirio’r rhan fwyaf o bethau yn rhad ac am ddim os gwnawn ni hynny ein hunain, neu’n weddol rad gan weithwyr proffesiynol mewn siopa neu gaffis atgyweirio. Dysgwch sut i drwsio dillad ac eitemau bob dydd y cartref sydd wedi torri neu fynd â nhw i siop atgyweirio leol.

Mae peidio â thaflu pethau’n gyflym a’u gwneud i bara’n hirach yn lleihau faint o sbwriel a daflwn; daw 45% o nwyon tŷ gwydr o gynhyrchion yr ydym yn eu defnyddio a’u prynu. Mae prynu llai ac ailddefnyddio mwy yn lleihau nwyon tŷ gwydr ac yn helpu natur, gan fod cynhyrchu eitemau bob dydd neu adeiladau yn gofyn am fwyngloddio adnoddau naturiol ynghyd â’r lle i dyfu cynhwysion, sy’n arwain at ddatgoedwigo a dinistrio cynefinoedd pwysig. 

Fel arfer, mae atgyweirio pethau yn rhatach na’u prynu’n newydd – tra bod prynu dillad neu ddodrefn ail-law hefyd yn llai costus na’u prynu’n newydd.

Gall ailddefnyddio ac atgyweirio fod yn ffordd greadigol o roi cynnig ar bethau newydd, ennill sgiliau defnyddiol, gwerthfawrogi’r hyn sydd gennym eisoes a dod o hyd i ffyrdd newydd o gael y defnydd gorau ohonynt.

Pan fyddwn yn ailddefnyddio neu’n atgyweirio, rydym yn helpu i arbed adnoddau megis ynni a dŵr.