Gyda'n gilydd gallwn wneud gwahaniaeth

Mae mwy na thair miliwn ohonom yng Nghymru. Dydy pawb ddim yn gallu gwneud popeth i frwydro yn erbyn newid hinsawdd, ond gall pawb wneud rhywbeth. Dewch i ni weld sut gallwn ni wneud gwahaniaeth, gyda'n gilydd.

Croeso i Gweithredu ar Newid Hinsawdd. Dan arweiniad Llywodraeth Cymru, rydym yn gweithio gydag eraill i adeiladu dyfodol gwyrddach i Gymru. Edrychwch ar ein casgliad o straeon ysbrydoledig, awgrymiadau defnyddiol ar ddewisiadau gwyrdd bob dydd, a'r manteision fydd y newidiadau hyn yn eu rhoi i bob un ohonom, o arbed arian, gwella ein hiechyd a'n lles, diogelu natur, a helpu ein cymunedau lleol i ffynnu.

Ymunwch â'r Mudiad: Mae'r Llywodraeth, busnesau, cymunedau a phobl o bob rhan o Gymru eisoes yn gweithredu.

Beth allwn ni ei wneud?

Dyma rai camau syml, bob dydd, i ni ddechrau lleihau ein heffaith ar y blaned.

Dewisiadau ynni gwyrdd

O ddefnyddio’r gwynt i sychu eich dillad ar y lein, i atal drafft drwy eich ffenestri a drysau - mae sawl ffordd wahanol i'ch helpu i arbed arian ac ynni.

Dewisiadau teithio gwyrdd

Chydig mwy o gerdded neu feicio, mynd ar y bws neu rannu lifft. Dyma beth allwch chi ei wneud i’ch helpu i arbed arian a gwella eich lles a lleihau lefelau llygredd wrth fynd o A i B.

Dewisiadau dyddiol gwyrdd

Benthyca ‘chydig mwy a phrynu ‘chydig llai, prynu pethau’n ail-law ac atgyweirio, ailddefnyddio ac ailgylchu. Dewch i wybod beth allwch chi ei wneud i’ch helpu i arbed arian a chreu llai o wastraff, o ddydd i ddydd.

Dewisiadau bwyd gwyrdd

O gynllunio bwyd ychydig yn fwy gofalus, i gompostio ac ailgylchu gwastraff bwyd, dewch i ddysgu beth allwch chi ei wneud ar gyfer eich corff, eich meddwl a'r blaned.